Estás en: Portada / Sala de comunicacións / Actualidade

Marisol Díaz reúnese cos alcaldes de Piñor de Cea e San Cibrao das Viñas para escoitar as demandas dos seus municipios

  • A delegada territorial da Xunta en Ourense, Marisol Díaz Mouteira, continuou hoxe a rolda de encontros institucionais cos alcaldes da provincia
  • A delegada territorial da Xunta en Ourense, Marisol Díaz Mouteira, continuou hoxe a rolda de encontros institucionais cos alcaldes da provincia

Ourense, 20 de marzo de 2017.- A delegada territorial da Xunta en Ourense, Marisol Díaz Mouteira, continuou hoxe a rolda de encontros institucionais cos alcaldes da provincia. O obxectivo destas reunións é coñecer de primeira man as necesidades dos concellos ourensáns, así como analizar aqueles proxectos que pode desenvolver o Goberno galego neles. Así, hoxe reuniuse cos alcaldes de dous concellos ourensáns: Piñor de Cea e San Cibrao das Viñas.

Díaz Mouteira trasladoulles aos tres rexedores a intención da Xunta de apoiar e cooperar coas entidades locais co fin de dar resposta ás demandas dos veciños e veciñas de todos os municipios da provincia e mellorar, así, a súa calidade de vida.