Estás en: Portada / Sala de comunicacións / Esperámoste en

Esperámoste en...

Ten dispoñibles para consulta 711 eventos:

16/10/18 | 00:00

A Xunta ofrece este ano máis de 1.200 horas de formación sobre administración dixital aos empregados públicos

A formación é unha das liñas de actuación do Plan de Goberno e Administración Dixital 2020 co que se está a consolidar o proceso de transformación dixital da Administración autonómica. Así o destacou esta mañá a directora da Amtega, Mar Pereira, na inauguración do Curso Superior de Administración Electrónica, na que tamén interviñeron a directora da Escola Galega de Administración Pública (EGAP), Sonia Rodríguez-Campos, e o presidente do Colexio de Enxeñaría en Informática de Galicia (CPEIG), Fernando Suárez.


16/10/18 | 00:00

A EGAP e as universidades galegas renovan a súa colaboración para organizar actividades formativas e de investigación conxuntas

Esta mañá asinouse un convenio entre a Escola Galega de Administración Pública (EGAP) e as universidades de Santiago de Compostela, Vigo e A Coruña para colaborar, por quinto ano consecutivo, na organización de actividades formativas, divulgativas e de investigación. No acto participaron os reitores da Universidade de Santiago de Compostela, Antonio López; da Universidade da Coruña, Julio Abalde; e de Vigo, Manuel Reigosa; xunto coa directora da EGAP, Sonia Rodríguez-Campos.

09/10/18 | 00:00

Curso de prevención de riscos laborais para o persoal farmacéutico de inspección de saúde pública

De acordo co convenio de colaboración subscrito entre a Escola Galega de Administración Pública (EGAP) e Cualtis, S.L.U., para o desenvolvemento de actividades de formación, divulgación e investigación, convócase un curso de prevención de riscos laborais para o persoal farmacéutico de inspección de saúde pública.

08/10/18 | 00:00

Curso de PRL dirixido ao persoal ao servizo da Admón de xustiza con destino no partido xudicial da Coruña

A Escola Galega de Administración Pública (EGAP) convoca os cursos de prevención destinados a aqueles/as funcionarios/as que prestan os seus servizos na Administración de xustiza en Galicia. Esta convocatoria, dirixida ao persoal que presta os seus servizos no partido xudicial da Coruña, así como as próximas convocatorias que se realicen nos restantes partidos xudiciais de Galicia, garantirán que os/as funcionarios/as dos corpos de médicos forenses, xestión administrativa e procesual, tramitación administrativa e procesual e auxilio xudicial posúan a preceptiva formación en materia de riscos laborais.

08/10/18 | 00:00

Curso superior A nova lexislación administrativa básica: teoría e práctica

A EGAP convoca a cuarta edición do curso superior A nova lexislación administrativa básica coa finalidade de abordar desde unha perspectiva teórico-práctica as novidades introducidas no procedemento administrativo e no réxime xurídico das administracións públicas polas leis 39 e 40/2015.

08/10/18 | 00:00

A EGAP e o IGCC convocan un curso sobre comercio electrónico

A través do convenio de colaboración asinado entre a Escola Galega de Administración Pública (EGAP) e o Instituto Galego de Consumo e da Competencia (IGCC) convócase un curso sobre comercio electrónico na modalidade de teleformación.

03/10/18 | 00:00

A EGAP e a Deputación de Ourense convocan cursos para o persoal da Administración local de Galicia

Grazas ao convenio de colaboración asinado entre a Escola Galega de Administración Pública (EGAP) e a Deputación de Ourense convócanse dous cursos dirixidos ao persoal da Administración local de Galicia. 

03/10/18 | 00:00

A EGAP analiza nunha xornada o papel da muller no ámbito xudicial

A Escola Galega de Administración Pública (EGAP) acolleu hoxe unha xornada titulada Xustiza e dereito en igualdade, dirixida facer balance e a analizar polo miúdo a presenza da muller no ámbito xudicial unha vez cumpridos os cincuenta anos da súa incorporación á carreira xudicial.

02/10/18 | 00:00

Xornada A corresponsabilidade parental no cesamento da convivencia da parella

A Escola Galega de Administración Pública convoca unha xornada para o día 23 de outubro co obxectivo de coñecer e analizar, tanto desde a perspectiva xudicial como psicoemocional, a problemática e as consecuencias dos procesos legais de separación ou divorcio de parellas con fillos/as menores.

28/09/18 | 00:00

Conversa en inglés para o PAS das universidades

A Escola Galega de Administración Pública convoca catro edicións presenciais do curso Conversa en inglés, dirixidas ao persoal de administración e servizos das tres universidades galegas. A actividade terá lugar nas cidades de A Coruña, Lugo, Ourense e Vigo entre o 17 de outubro e o 3 de decembro.