Estás en: Portada / Sala de comunicacións / Esperámoste en

Esperámoste en...

Ten dispoñibles para consulta 874 eventos:

03/07/20 | 00:00

Convocados os cursos do segundo semestre destinados ao persoal da Administración autonómica

A EGAP convoca no DOG do 3 de xullo un total de 39 edicións e 1609  prazas en cursos de formación continua dirixidos ao persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional. 

03/07/20 | 00:00

O número 59 da Regap incluirá dous traballos sobre a Covid-19

Esta mañá reuníronse na EGAP os membros do consello de redacción da Revista Galega de Administración Pública (Regap) para aprobar o contido do número 59, que incluirá dous traballos relativos á Covid-19. 

01/07/20 | 00:00

A ética pública centrará o contido do próximo número da revista Administración&Cidadanía

Esta mañá reuniuse na Escola Galega de Administración Pública o consello editorial da Revista Administración&Cidadanía para aprobar os contidos do número 1 volume 15 que estará dedicado á ética pública. 

22/06/20 | 00:00

Solicitude de cita previa para o rexistro da EGAP

A partir do 22 de xuño será imprescindible solicitar cita previa para acudir ao rexistro da EGAP, situado na planta baixa do edificio.

29/05/20 | 00:00

Webinario: O levantamento da suspensión dos prazos administrativos e procesuais: cuestións prácticas de interese

O próximo xoves 4 de xuño ás 12 horas terá lugar un seminario web dirixido a analizar o levantamento da suspensión dos prazos administrativos e procesuais. O Acordo do Congreso dos Deputados do 20 de maio de 2020 autorizando a prórroga do estado de alarma declarado polo Real Decreto 463/2020, do 14 de marzo, dispón o levantamento da suspensión de termos e da interrupción de prazos administrativos, prazos procesuais e prazos de prescrición e caducidade de accións e dereitos, con efectos desde o 1 e o 4 de xuño de 2020 de forma respectiva. O alambicado réxime contido no Real Decreto 463/2020, do 14 de marzo, xera unha boa dose de incerteza e inseguridade en forma de interrogantes que convén resolver canto antes.

19/05/20 | 00:00

Convocadas as subvencións destinadas ao financiamento de plans de formación das entidades locais de Galicia

A EGAP publica no DOG do 19 de maio as bases reguladoras e a convocatoria das subvencións, en réxime de concorrencia competitiva e en réxime de concorrencia non competitiva, destinadas ao financiamento de plans de formación para o emprego promovidos polas entidades locais de Galicia no marco do AFEDAP.

19/05/20 | 00:00

Reapertura da biblioteca da Escola

A partir do 20 de maio a biblioteca da Escola Galega de Administración Pública reabre para a recollida e a devolución de exemplares con cita previa. Esta debe solicitarse ao correo electronico biblioteca.egap@xunta.gal ou ao teléfono 981 546 324. O estudo e a consulta en sala non estarán permitidos ata novo aviso.

18/05/20 | 00:00

Curso monográfico A innovación social no sector público

A extraordinaria situación provocada nos últimos meses pola pandemia do coronavirus creou incentivos particularmente poderosos para a innovación social. Así, a aparición súbita dun conxunto de problemas sociais novos para os que as solucións existentes non semellaban adecuadas provocou a proliferación de alternativas innovadoras, algunhas máis sutís ca outras. Con fins ilustrativos, o curso utilizará numerosos exemplos extraídos da resposta ante a emerxencia sanitaria da COVID-19 e as súas consecuencias. O foco porase en exemplos centrados no sector público ou vinculados a colaboracións público-privadas.

17/05/20 | 00:00

Día das Letras Galegas 2020

Vídeo homenaxe a Ricardo Carvalho Calero

28/04/20 | 00:00

Curso para persoal delegado de protección de datos da Xunta de Galicia

A EGAP e a Amtega convocan un curso na modalidade de telepresenza dirixido ao persoal delegado de protección de datos nomeado ou cuxo nomeamento estea previsto a corto prazo e as persoas que formen parte do equipo de apoio aos DPD das consellerías e da Amtega.