• Corpos xerais da Administración de Xustiza

• Corpos de médicos forenses

CORPOS XERAIS DA ADMINISTRACIÓN DE XUSTIZA

10/2/2020 - Finalización do prazo para a elección de bolsa

Recórdase que o día 11 de febreiro finaliza o prazo para presentar as solicitudes de elección da bolsa de interinos/as.

É moi importante ter en conta que non basta con gravar os datos na aplicación. Co simple gravado de datos xérase unicamente un borrador, que hai que validar e presentar, sexa electronicamente, con certificado dixital ou DNI electrónico, ou manualmente, en calquera dos lugares do artigo 16.4 da Lei 39/2015 do Procedemento administrativo común das Administracións Públicas.

A consecuencia de non presentar a elección da bolsa en prazo, segundo o artigo 10.2 da Resolución do 18 de marzo de 2019, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de Xustiza en Galicia, é a desistencia dos/as aspirantes de todas as súas solicitudes.

29/1/2020 - Corrección de erros. Resolución do 24 de xaneiro de 2020 pola que se aproba a listaxe resultante de admitidos e excluídos da bolsa de traballo de xestión procesual e administrativa, tramitación procesual e administrativa e auxilio xudicial convocada pola Resolución da Dirección Xeral de Xustiza do 18 de marzo de 2019.

28/1/2020 - Resolución do 24 de xaneiro de 2020 pola que se aproba a listaxe resultante de admitidos e excluídos da bolsa de traballo de xestión procesual e administrativa, tramitación procesual e administrativa e auxilio xudicial convocada pola Resolución da Dirección Xeral de Xustiza do 18 de marzo de 2019.

As listaxes poderán consultarse a través da OPAX (https://www.xunta.es/sxpa/AIX/), seguindo a ruta "Bolsa de interinos > Listaxes".

Aqueles/as aspirantes que estean incluídos en bolsas de distintos corpos, ou en varias provincias da mesma bolsa, deberán seleccionar aquela única na cal desexen quedar no prazo de dez días hábiles desde a publicación desta resolución (fin do prazo: 11.02.2020 ás 23:59 h). En caso contrario, entenderase que desisten da súa solicitude.

A elección deberá facerse de maneira electrónica a través da OPAX. Ao elixir a bolsa correspondente xérase un borrador que é necesario presentar, ben electronicamente, con DNI electrónico ou certificado dixital, ou ben manualmente en calquera dos lugares do artigo 16.4 da Lei 39/2015 do Procedemento administrativo común das Administracións Públicas.

Na páxina de bolsa de interinos, na sección de “Instrucións”, existe unha guía de usuario cos pasos a seguir (páxinas 27-29 no manual en galego, 33-35 no manual en castelán).

28/11/2018 -  Publicación de listas na "Oficina Virtual do Persoal da Administración de Xustiza de Galiza"

Desde o 28/11/2019, as listaxes provisionais de persoas admitidas e excluídas nas bolsas de interinos dos corpos xerais ao servizo da Administración de Xustiza en Galicia estarán só dispoñibles na "Oficina Virtual do Persoal da Administración de Xustiza de Galiza". Tras acceder co usuario e constrasinal ou certificado electrónico, as listaxes poderán consultarse na ruta “Menú - Bolsa de interinos - Listaxes”.

• Acordo da Comisión Paritaria de Interinos consonte ao regulado no artigo 5 (Participación, información e seguimento) da Orde do 4 de outubro de 2018 sobre selección e nomeamento de persoal interino para cubrir postos de persoal funcionario dos corpos xerais ao servizo da Administración de xustiza en Galicia.
• Resolución do 17 de outubro de 2019 pola que se aproba a listaxe provisional de admitidos e excluídos da bolsa de traballo de xestión procesual e administrativa, tramitación procesual e administrativa e auxilio xudicial convocada pola Resolución da Dirección Xeral de Xustiza do 18 de marzo de 2019
• Orde do 4 de outubro de 2018 sobre selección e nomeamento de persoal interino para cubrir postos de persoal funcionario dos corpos xerais ao servizo da Administración de xustiza en Galicia
• Corrección de erros. Resolución do 17 de decembro de 2014, da Dirección Xeral de Xustiza, pola que se aproba a listaxe definitiva de admitidos e excluídos da bolsa de traballo de xestión procesual e administrativa, tramitación procesual e administrativa e auxilio xudicial, convocada pola Resolución do 15 de xaneiro de 2014.
• Resolución do 17 de decembro de 2014, da Dirección Xeral de Xustiza, pola que se aproba a listaxe definitiva de admitidos e excluídos da bolsa de traballo de xestión procesual e administrativa, tramitación procesual e administrativa e auxilio xudicial convocada pola Resolución do 15 de xaneiro de 2014 
• Resolución do 2 de setembro de 2014 pola que se aproba a listaxe provisional de admitidos e excluídos da bolsa de traballo de xestión procesual e administrativa, tramitación procesual e administrativa e auxilio xudicial convocada pola Resolución da Dirección Xeral de Xustiza do 15 de xaneiro de 2014. Lémbrase que o prazo de reclamación é de 10 días hábiles dende a súa publicación e remata o 23 de setembro de 2014 (incluído).
• Acceso ao módulo OPAX (Oficina Virtual do Persoal da Administración de Xustiza) de solicitantes baremados e non incluídos nas bolsas de persoal interino.
  Dende o 2 de novembro de 2010 está en funcionamento o módulo de WebAIX (agora OPAX) que permitirá ás persoas que figuran na lista de admitidos non seleccionados para as bolsas de traballo ou reserva de interinos (a denominada 'reserva da reserva') consultar a súa situación na lista así como a posición do último chamamento efectuado.
  Cómpre salientar que os interesados poderán acceder a través do enlace á OPAX existente na páxina web da nosa consellería coincidindo a súa conta de usuario co DNI. A chamada a unha bolsa de reserva depura a situación do interesado en todas as listas da 'reserva da reserva' (desaparece delas).
• Resolución do 15 de xaneiro de 2014, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia
• Orde do 28 de novembro de 2013 sobre selección e nomeamento de interinos para cubrir postos de funcionarios dos corpos xerais ao servizo da Administración de xustiza en Galicia

CORPOS DE MÉDICOS FORENSES

• Resolución do 15 de xuño de 2015 pola que se aproba a listaxe definitiva da bolsa de interinos de médicos forenses convocada por Orde do 29 de setembro de 2014
• Resolución do 30 de abril de 2015 pola que se aproba a listaxe definitiva de admitidos e excluídos, así como as listaxes provisionais da baremación dos méritos dos admitidos, da bolsa de traballo de médicos forenses convocada pola Orde do 29 de setembro de 2014-.
• Resolución do 12 de marzo de 2015 pola que se aproba a listaxe provisional de admitidos e excluídos da bolsa de traballo de médicos forenses convocada pola Orde do 29 de setembro de 2014
• Orde do 29 de setembro de 2014 pola que se establece o procedemento de selección e nomeamento de persoal interino do corpo de médicos forenses e se convoca a correspondente bolsa.
• Resolución do 23 de agosto de 2010, da Dirección Xeral de Xustiza, pola que se publican as listaxes definitivas de incluídos nas bolsas de traballo e de reserva de médicos forenses interinos do Instituto de Medicina Legal de Galicia -Imelga-.
• Orde de 10 de maio de 2006 sobre selección e nomeamento de médicos forenses interinos.